(L'öcc da nünn tücc)

AGRICULTÜRA:
Come giügà coi danée

Ala "via così..."

Alora Ninn cosa pensat da tücc quii architétt, da quii disegnadoo diventaaa monümént chi da nünn che girann intorno … e che ii m’ann impiasctraa …

Sént un po’ avevum mia dii che parlavumm di paesann incöö?

Ah già gh’emm un carlandari piénn ta paar?

Orponoto. Ma già che gh’a l’emm, nünn. Cercumm mia notizi inscì par trà innanz, nünn …

Scti pori mosctri, scti paésann, jenn sempro püsee diventaa un bersali e cün i altri, anca ti e mi, gh’a rampigumm in schena …

Ma dai con tücc quii danéé che i ciapann …

Si si ja ciapann da una part, ma, da l’altra, i continuann sempro sü la sò sctrada come se al mond al sarissa mai cambiaaa e …

E alora?

Alora i narànn sempro innanz insci a ciapà da na part e a bütai via da l’altra

Ma scpiegumm un po’ coma sa po’ tiràa innanz na tiratera paréii

Ma fett nà giò i "culzétt" anca ti. Tücc chi che gh’ann intorno jenn domà di mena toròn da l’osctia che cercann da tegniss a gala sui scpall da scti pori mosctri.

Ah l’è inscì alora che ja ciamann: scior ingegneer, professore, scior maesctro.

L’era na moda, na volta, ma adêss gh’è cambiaaa tücoos …

Gnent dal tütt: lisctess come prima. Vünn che al gh’eva bescti al continua a vegh bescti . Al ciapava un franc par litro dal lacc e adess na ciapa 60 ghéi e l’è chi che gh’a fà girà dént cunt i süssidi.

Scti pori patann … guarda cont i patati l’esctaa pasaa. I piantan patati tücc inséma e ala finn, la "grossa distribuzione" tant per miga fa nomm gh’a ja ritirann a 25 ghei .

Te jett visct coma jenn mai a finì i consili da scti lüminari?

Ma i altri ja vendan a düü franc e cinquanta … dagh sü un trüss va …

Quescto l’è n’altro busillis. Loor disann che jenn quii che ja catann sü. Scta al fàto che i paesann i pèrdann. Ciapa i tomatàs. Adèss da l’Olanda a düü franc e cinquanta. Terén robàa al maar. Trii föi da plasctica sui sèèr. Quando t’ett finni: al trascport. Per fatala cürta te vedarett fra un para da mees "POMODORI TICINESI" a quantar e mèzz. I paesann i ciapann sempro un franc al kilo come cinquant’ann fa. Va pö a vedela ti chi l’a rota.

Cèrt che a nünn ma farissa piasé a pagà un scuaicoss da piü ma che anca loor …

… ma sa na scbattan i ball tant, da una part o da l’altra, i danee i rivann cont i süssidi … no?

E va mia dent un poo in d’un camp d’inverno. I ta rampighann in schena come se te gh’avressat saltaa la so tusa …"Te ma rovinat la cudiga …"

Ball da fra Lüca …Roba da ciood!

No no mia roba da ciood. Par mia parlà dal BIO

Come se la tèra da dovaria vèss un scuaicoss da inventaa. Ma jenn matt scti masclosann?

Te visct indoa i méttan giò la roba quèla gent li? visinn a l’autosctrada e pö i disdann che l’è BIO e che i fann i controii…

I farann i controi. Guarda par esempi come la fioriss ben la forsitia in mezz a l’autosctrada

Si ma ti te sa fett mia un minesctròn cunt la forsitia

Bevemigh sura. Vaar mia la pena da ciapasela püsee da quel tant

Sa fa par di no?

Ah, ah, ah, ahhhhhhhhh, ah

A riis e verz