DAGALA ADOSS AI CAN:
Che i bescti i sia mei di padron?
L'è mia un rottweiller, lè al Big!

Mì salti föra dal balin tütt content e dopo ma nancorgi che tücc i cercann da famm na da travèrs la giurnada. Ma l’è possibil…

Ma spiaas datt rasonn ma l’è propi inscì. Sctamatina navi a scpass col mè can. Vò sempro in quèl posct e conossi gent, vita e miracoii e n’incontri vün, in biciclèta, con al so pinin, che al ma diis. Tenga quel cane!

E ti cosa gh’ett riscpondüü?

Prima: Buongiorno. E dopo Può tenere per favore suo figlio al giunzaglio perchè il mio hcane ha paura?

E quel altro sa l’a dii?

Lei è un maleducato

E ti?

Sicome l’o ricognasüü. Lei vada a dare le multe con la pistola in mano da un altra parte: pistola!

La sarissa sctaia un occasòn per fagh passà la pagüra ai gent perchè al to can, come tücc dal resct, jenn besti che vivann da carezz e jenn domà o polin o direttor da banca che podann végh pagüüra.

Mi, invece, somm nai in bestia per una roba che ho lengiüü sul giornall …

A …, a …, attenzion … te m’erat dii che gh’a va mia parlà di notizi altrimenti gh’a resctomm sota coi nosct discoors …

Gh’ett rasonn. Mei mia parlann ma santiddio se te gh’a lett sü con vünn e ti sett un giornaliscta cerca da fa al tò mesctee in manera da töll via dal pan sècc e sciètt.

Se fett mia inscì alora vöör di che gh’ett in man un giöghìn che ta piass…mi che te gh'ett i cavri mèzz...no...no..

Ma cèrt … e la portann in avanti. Setimana par setimana …

Vöratt di anca ti, ‘n pooch paroll  che se t’ell sècat via dopo sett più cosa altro fa?

Propi inscì. A quii li gh’a mancariia, inscì, al votanta par ceent da so mesctee.

Alora si che la verità la vegn a gàla …

… e cioè?

Lavorat o fett al giornaliscta??

Ah, ah, ah, …. Semm fai di amiis anca sctavolta!

.Sett che nisügn hann indovinaa la foto da l’altra volta?

Ma vah. Jenn gnanca sctai bon da védé l’ai selvadigh? Gh’emm in giiiiiir tanti da quii ambientaliscta…

Ma ann parlomm da quii li n’altra volta. Adèss mètumm su n’altra foto e chi indoiina na botiglia da vin dal Sandro!

Bèl premi, orca miseria che sciuur sett! A riis e verz

Ciao, ma metà la pagat anca ti. Ciaaar?