(La Val di Gatt inché)

Uelilali

Ma véta chi . L’è veramént no vita cha ma sa vecc più

Son tornò giù per fa no vsitina al chér

I t’hann cambiò i valvol anga a ti?

Eh si ho facc sett baipass e i ma ciapò foora vintitrii centimetri

.. da chérn

…no na da vénn
Pensa un po’ ti. Ch’el tipo jlé l’à mai fumò, sempro foora in di bosch e a cascia e a , on po`dill, inchéé, a cascia de sfroos, e a un certo punto al respira piu’. Pensa che la ciamavann al varozza…

Varozza? Sal l’è al varozza!

Ma la marmotta no?

Eh si e amm rabbiava anga per cui duu denc chi davanti. Ma ti Ninn serat sempro su sa nunn . La tò poro ava la sctava in San Fedee e ti e i tò e al tò fredell, tucc, sempro in Laura.

Eh coma amm podeva fà a meno. Al mè Pa l’aveva fai su la ca dal Pieracci. Amm seva subit dopo al quaranta. Omm podeva miga te su e na al maar. I mè bagn da maar jò passéé con i Riva, con i Nicola, con ti, col Mino, con i Schenard, no miiga i scioori quii del bui. I sciori I nava al San Bernardìn. Con nunn I gh’eva la puzza sota al naas.
Fin quando i gh’eva miga de biségn!Gh’era in giir tanti bei femn pé.

La calanchèsa, la dona dal Maviir, la Chiara, …

La fiia da cascneera..

Amm regordi no volta che s’eri dréa a ramatighà porpi dadré la gesa dala Madona, li in Santana. M’è miga borlò adoss al poro don Lisandro, al gh’era la noscta età, l’era già in semiari. L’à tecc su la soca, la pelanda, cont i do man che se gh’è miga al Vincenzo a fermall ai grott de San Vitoor al nava drizz a Roma a domandà lasoluziòn!

Ch’ell poro divaol ilé!

Poro diavol. Poro diavol. L’è pe diventò al segretari del Vescov anga lu.

Tett regorda Ninn con cui ogiaroni e sempro al capèll in tescta…

Ma da chi te parlet?

Dal poro farmaciscta…

Sempro pienn. La matina ai vondes no casa da scpecialinn l’era già secada via.

E dala so dona, la Mogna. E al Toto?

L’è mort l’ann pasò.

E la Dètte?

Duu an fa.

E al Carlìn

Sees mees fa.

E al Ciiri?

Un para d’ann fa

Alora par diventa vecc gha và scampà sempro pisee
Eh si. Ninn. Ti e al to amiis vegni su a trovamm.In Gardelina jann verduu un siit nef…

Un siit nef?

L’ann metuu in orden e la roba gha la do mi. Garantissimissimi.

Anga al camossat aper Santanna?

Guarda Ninn!

Cert ch’amm végn! Promesso!

Rigordevas anga voialti dal sindich. Dal vöcc sindich da Belinzona. Al Plinio al ma dii düü nonn sbajaa. Ah, ah, ah