(E dai e dai...)

Ueilalì!

Sa fett in giir a scti orari, jenn i quatar e mézza da matina.

Somm naj a tö i kifer.

Si, digal pö ti ala to dona . Sa veed che la dorma strecc.

Tii … compagnòm a ca.

Si, si passi propi da li.

Tee. L’ültima volta t’ho mia capì mia tant ben.

Gh’era nient da capì. Da una part i merican con la so testa miscciàa denta tra bianch e negri e mormoni e giudee e ross e verd e giald. Un misc masc da gént e da idee che fa si che, ala finn, i ta fann na diferenza tra palpamenti e un scuaicoss da più da na bèla rampigada. Da l’altra scti pori gent, come nünn, che quando sa toccat o quando vün al sa n’apprifita da vüna, contra la so voluntà, par nünn tütt e düü i vann dizz a l’Inferno. Nünn capissom mia lüür …

A tütt chi? Nünn a capissom mia loor e loor i capissan mia nünn e viceversa e, alora, anca tra da loor? Che bèl casott!

Ma anca ti te l’è capida domà adèss?

No. Nooo. Mi al sò che in merica i fann tücoss püsee grand di altri. Pensa che i Ascpirinn jenn grand come formagèll.

Ma coma fann a mèttai dént in dra carta?

Gh’è mia biségn … ja fann rotolà …

E mi che ta davi a trà. Somm scià bèl e bambo.

Tii. Sent un po’ cosa an pensarissat da fà, nünn düü, un vocabolari dal dialètt?

Temp al gh’emm, na quai parola la semm. Podumm fass jüta dal Poldo che al parla al dialètt propri scpiatarò.

Mi conosci anca al Dolfo che l’è sctai tirà sü in dala vall di gatt e anca lü al parla mia maa al dialett da quii d’insu.

Ma come pretendat da fall? Come se al füdess un dialett dala ferovia?

Tii scprezzal mia tant parchè in dala scvizera lanterna, i nosct amiis, i parlan tücc si al so dialet ma tücc i sa capissan e jenn mia tresentmila ma quatar mio.

Ho mia capii e dopo cosa an fémm?

Al mètumm sü internet coma nümm adess.

Ah perchè nünn … ah … nümm sü interneeet?

Ma scemo tal savevat migna?

Dai ho fai a posta! Ma che asan ross sett diventàa.

E se ma manca un scuaicoss e se lassum via na quai parola?

Alora gnent da püsee facil. Se sa nacorgium nünn, al tacumm là, se jenn i altri che ma disann quell che emm lassa via, alora, … titic e titacc la scrivum denta.

Ma a ta paar mia da vèss come al Berlüsca?

Pensigh sü …. Al Berlüsca? Al ma paar come ti. Si, sculta. Al voreva fass na tomba növa. Alora l’è naa dal Martini e tücc düü i senn trovaa al Monümental. Al Martini al gha diis: “Indoa te la vörat?” e l’altro al fà: “Chi. Chinscì. Lüüs, marmo, travertìn, lüüs al néon, oro zecchino. Ta chi al progètt. Eh quanto al ma costa?” “Vott, dees miliard” al gha rispond al Cardinal.” E l’altro da bota:” Vot, dees milard par trii di?”

Scemo. Guarda che mi somm fanatich dal Milan! Ad ogni modo gha pensi sü parchè l’è mia na cativa idea.

Buonanotte

Ciao. Fatt onoor neh?

Devi scpecià che mal disat ti?

Ciao Ciao