Mangià pizzoccheri

Jen naa a mangià pizzoccheri giò dala Lila, e giò vin e sü seet, ad un certo punto jann scomenciaa a sc'clerà süla finanza da Lügàn … Sentimaii n'atìm

… e te sa regordat quèll la che al saltava la dona da l'azioniuscta e l'è diventaa Diretuur dala sira ala matina

A Belinzona sa diseeva: L'üsell di Moii e la famm di Ghiringheii

E quel'altro che al faseva i bonifich, domà franchi neh, e l'era diventaa Diretor dala SBS, morta anca lee

E quèl'altro, cüsìn dal General Manàger che l'ann tegnüü a möi li in dala fidüciaria dal …
Si propi quèll li ..

Fin quando i s'eràn calmaa i aqui e, dopo, l'era diventaa diretoor da l'altra part

Da l'altra part sa fa par di parchè jeran semèpro azioniscta anca loor

Intant che i client i scpetava che i torarissan, i sarissan tornaa, par caso neh, indre i danee dala Merica

Mia domà dal Nord ma anca dal Süd parchè, li, n'avevàn mandà la un altro a sc'üntà la pena

Ma si quèl avucàt che al gh'aveva al fiöö

Ah si che l'è naa in pensiòn e, adéss, l'è in giir a fa conferenz come al Dalai Lama

Si lü insema a quèl da Locarno che l'era al fiöö dal dotoor dala Calanca

Bon anca quèll li par pizzà al fööch d'inverno

Ma cosa te disàt sü bon par lü

Si da quèla gent che quando i ta dà la màn l'è mia per salüdat ma l'è par portat via un scqaicoos

E sempro quèll li che quando la Comit l'ha vendüü i so da aziòn gha n'era na part negra e la senn scpatrida tra da loor

Ma cosa cüntat sü

Devi fà nomm e congomm ali volti? Devi fatt giò al diségn par caas?

No no ta credi, … ma roba da ciood

Roba da ciood o migna l'è che da quii paees la gh'è mai trobnaa indre gnanca un franch

Come quii dal prsident dala Federàl

Si ma a lü i gh'hann faa un procèss

Si un procèss

Ma si un procèss che al pareva quèll da quèll dotoor che prima l'avevan metüü in cataboja parchè I disevân che al mazzava I vegitt par vègh l'eredità

Quèll ross da cavvi … e, dopo: ASSOLTO

Ma tel sett che chi düü li jenn riüscii a vend n'altra volta la Banca a na società che i savevan mia che l'era d'un'altra Banca, e I javevan faa un credit par fa comprà i aziòn e un altro credit par paghà la comission, a quèll la che, pö dopo, la scpariva cunt i altri

Nün domà a pensala na roba inscì, domà a pensala s'erom in galera.

Quèl altro, Diretoor, che l'è diventaa diretoor al di sctèss che l'avevan processaa per avé faa sltaa via i danee di so soci in dal servizi militaar

Che pö, dopo, ll'aveva too al terén indoa i fasevan sü la Banca, cunt un para da diretoor da Berna, per un para da mila, e vendüü ala Banca, per cent volt da piü

Ciamigh scemo

L'ünich in ganba l'èsctaa al Grazòn, l'ünich che l'è riüscii a fa diventà scvizzera na carèta d'una banca, che l'era dal Calvi, e, ala facia da tücc a fala quotà anca in borsa

Sü quèl mar da pocia: l'ünich

L'ünich

Nina n'altro litrozz

No adèss bascta

Nnnn, … eco: la storia letta al popolo …

Ma và a dà via …