Penicilìna

Ciao carissimo

Ma cosa settt dre a beev, ai vott da matina

Un rosé

Ma tell sett che l'è velén e che d'ora da siira settt in salmì?

Ta fa gnent a pensà par i to afaari?

Certament … a mi ma paar però …
Tacat?

No, no. Sevi dre par ditt che gh'ho un amiis, come ti, che l'hann metüü via, l'altro di

Ah l'è nai a curà i galìn dal Piona

Certo

Ma tel sett che chi da nün, jenn tücc professuur e che i sc'confondan al büüs dal cüü par una piaga? Sartà par quèl che l'è mort!

Al la diseva anca quèll dal Cicvch, na volta, quèll dotoor che la ciamavan : "Ta salva pü gnanca al Pedott"

Propi quell li

A na mè amiisa, vün da quii professoròn, al gh'ha cüraa na canavèla, rifaa i ligament e adèss i devan blocaagh la gamba

Spacciata

Spacciata, vintisètt ann

Ma pensa un po che mi savendo cosa gheva dre a sücedom, s'eri naa da vün e da quèl altro. "Non si può fare." "Lei è troppo vecchio. " Ueliali scemo … parla par ti

E aloora?

Alora, na volta in vacanza, n'avevi trovaa vün , al diretuur dala Clinca Bau Site da Berna, che al m'aveva dii …" Ma vegn la da nün che in quatar e quatr'ott ta mètom a posct"

E dopo?

Dopo summ mai là, l'eva al principi da dicembro, tütt do i canavèll, treta punt par part, e al 26, san Sctevan , a sc'chiavi già.

Ma q…

Guarda un po. Chi:" Tutti professori", dopo. quando ghett bisögn al to oscpeda, l'è al treno che và in dala scvitzera lanterna

Ma l'è sempro sctaa inscì. Pensa che a Belinzona, fin an para d'ann fà, gha n'era in giir vün che al Sindich da lora, dotoor, al l'aveva tajà sü in ca, metendogh un tocch da legn in boca, par na pendicite.

E se te pensat che al Pedott, quèll da prima, la ciapaa la lauera "Onoris Causa" dala Üniversità da Bologna parché l'aveva tiraa via al goss dalal Caprisc'ca, … l'è mort in dal sessantadüü, mia preisctoria.

Ma tell sett che la penicilina l'è rivada da nün in dal quaranticinch?

Ma come

Sc'colta. Quando i tudisc'ch jevevan ciapaa quèla fortezza volante sura Ponte Tresa, quèla li. l'era naja a burlà giò in dala Vall da Arbeed.

Ma va

Certament, alora, per salvà quii trii merican li, l'ambascada l'aveva fada rivà a Belinzona. Tee, prima volta in Scvitzera.
Maa … nün che disom tant

Ma va la

Forse vett ben ti cunt al to rosè che inscì pensat mia püsee in la dal to naas ross come quèll dal Zurflü

Ma va a da …

Cosa?

No … zio … a riis e verz